...bi albiste eman dira argitara aste honetan, elkarri estu-estu lotuak, munduaren mutur banatan gertatu badira ere...

...barkatuko didazue oraindik oporren lozorroan zabiltzatenok, baina, ezin izan dut albora utzi...

...lehenak dio nola Txilen herritarrok lortu berri duten paraje eder batean (Punta de Choros-en, hain zuzen) jarri nahi zieten termikaren proiektua atzera botatzea...

...bigarrenak, berriz, aditzera ematen du duela hiru urte tximiniputorri (Europako araudia betez gero aspaldi itxita egon behar zuenari) pintada bat egin zioten greenpeacekideok ez dituztela enpapelatuko "puteatzen segitzen ez badute"...

...ez dakit zuek nola ikusten duzuen, baina, niri behintzat dardara eragiten dit... albiste bata eta bestea, edukiari begiratuta, mutur batean eta bestean baitaude...

...ez ote da izango haiek diktaduraren hatzapar beltzetatik ateratzen hasi berri direlako oraindik eta, gu berriz, aspaldi apoltronatu garelako eta gure burua komentzitu dugulako hobe dela dagoenean uztea, hemengo diktadura historia-liburuetan ere agertzen ez dela eta... ??

...nor ote choroago?...