Egia esan aspaldian ez ginela elkar ikusten. Agian badira hiru edo lau urte ez genuela topo egin, baina aurtengoan ordean berriro ikusi dugu elkar. Zu beti bezala zaude, zuri, heze eta hotz, ni ordea aldatu egin naizela uste dut. Urteak ez dira alferrik igaro nire aurpegi honetan eta dagoeneko ximur txiki batzuek ageri dira. Nire ilea gutxituz doa eta dagoen gutxi hori ere zuritze nahian hasia da.

Baina elkar ikusi genuen azken urtetik hona gauza on asko igaro dira nire bizitzan. Bihotza lapurtu didan printzesa bat ere ezagutu dut, eta zoriontsu egiten nau. Nire bihotzeko hutsune sakonena betetzea lortu du, eta orain zurekin zeruan den nire aitonak utzitako zuloa maitsun magiko batez bete du. Egun zoriontsu naiz eta esperantza berriak ditut nire mundu honetan. Dagoeneko zuk sortzen duzun hotza, bero bihurtu da.

Elurte gure biziak berriro topo egin dute, eta zure magiak berriro bihurtu nau gazte. mila esker.


Eta zuri irakurle, egia esan zer esan ez dakidala nabil. Agian nire katarroak eta Frenadolak paranoia hau idaztera eraman nau, edota agian elurrarekin hitz egin beharra nuen. Neguan hasi zen.